17 dekabr 2010-cu il tarixində  “Azərbaycan Elmi-Tədqiqat və Layihə-Axtarış Energetika İnstitutu” MMC-də Elmi-Texniki Şura keçirilmişdir.

Gündəlikdə aşağıdakı məsələlərə baxılmışdır:

1. 01-10 saylı 15.02.2010-cu il tarixli “Azərenerji” ASC ilə “Azərbaycan Elmi-Tədqiqat və Layihə-Axtarış Energetika İnstitutu” MMC arasında bağlanmış “Yeni iqtisadi inkişaf şəraitində Azərbaycan enerjisisteminin enerji effektivliyinin təmin edilməsi üzrə kompleks məsələlərin tədqiq olunması və tövsiyələrin işlənilməsi” mövzusunda müqaviləyə daxil edilmiş və yerinə yetirilmiş elmi-tədqiqat hesabatlarının nəticələri (məruzəçi – tex.e.d., prof. N.A.Yusifbəyli)

2. Elektrik şəbəkələrinin layihələndirilməsi idarəsinin illik hesabatı (məruzəçi – Q.M.Ələkbərova)

3.  Bakıhidrolayihə-Elektrik stansiyalarının illik hesabatı (məruzəçi –A.İ.Adıgözəlov)

4.  Mühəndis-axtarış idarəsinin hesabatı (məruzəçi –H.Ə.Rzayev)

5.  “Azərbaycan Elmi-Tədqiqat və Layihə-Axtarış Energetika İnstitutu” MMC-də 2011-ci ildə nəzərdə tutulan elmi-tədqiqat işlərinin layihəsinin müzakirəsi (məruzəçi – tex.e.d., prof. Ə.M.Hüseynov).

6.  Cari məsələlər:

6.1. Elmi kadrların hazırlığı (məruzəçi – tex.e.d., prof. Ə.M.Hüseynov)

6.2. “Azərbaycan Elmi-Tədqiqat və Layihə-Axtarış Energetika İnstitutu” MMC-də İSO 9001/14001 İnteqrəolunmuş İdarəetmə Sistemləri Beynəlxalq Standartlarının tətbiqi məqsədilə 9 dekabr 2010-cu il tarixli sərəncamın müzakirəsi (məruzəçi – tex.e.d., prof. N.A.Yusifbəyli)

6.3. “AzET və LA Eİ” MMC-nin Elmi-Texniki Şuranın heyətinin təsdiq­lən­məsi (məruzəçi – tex.e.d., prof. N.A.Yusifbəyli)

Müzakirələrdən sonra qərara alındı:

 “Azərbaycan Elmi-Tədqiqat və Layihə-Axtarış Energetika İnstitutu” MMC-nin 2010-cu il üzrə elmi-texniki fəaliyyətinin nəticələri müsbət qiymərləndirilsin.

2011-ci ildə yerinə yetirilməsi nəzərdə tutulan elmi-tədqiqat və layihə-axtarış işlərinin mövzularının razılaşdırılmış siyahısı sifarişçiyə təqdim olunsun.

İlkin mərhələdə 5 nəfərin elmlər doktoru hazırlığı üzrə namizədlikləri və onların elmi məsləhətçiləri təsdiqlənsin.

“Azərbaycan Elmi-Tədqiqat və Layihə-Axtarış Energetika İnstitutu” MMC-də İSO 9001/14001 İnteqrəolunmuş İdarəetmə Sistemləri Beynəlxalq Standartlarının tətbiqi məqsədilə 9 dekabr 2010-cu il tarixli sərəncamından irəli gələn məsələlər yerinə yetirilsin.