5-7 dekabr 2011-ci il tarixlərində Böyük Britaniyanın Mançester Universitetinin təşkilatçılığı və İEEE PES Beynəlxalq Təşkilatının dəstəyi ilə Mançester şəhərinin Central Complex arenasında  Europe 2011 İnnovative Smart Grid Texnologies adı altında Beynəlxalq Elmi-Praktik Konfrans keçirilmişdir.

Dünyanın əksər ölkələrinin qabaqcıl alimlərinin qatıldığı  bu mötəbər Konfransda Azərbaycanı “Azərbaycan Elmi-Tədqiqat və Layihə-Axtarış Energetika İnstitutu” MMC-nin direktoru professor N.A.Yusifbəyli və İnstitutun direktor müavini dosent H.B.Quliyev təmsil etmişlər.

Konfransın işində elektroenergetika sistemləri rejimlərinin intellektual idarə olunması üçün innovativ Smart Grid texnologiyalarının tətbiqi və realizasiyasına dair müxtəlif ölkə alimlərinin çıxışları dinlənilmişdir.

Konfransın Rusiya Elmlər Akademiyasının müxbir üzvü, professor N.İ.Voropayın sədrlik etdiyi sessiyasında prof. N.A.Yusifbəyli “İntelligent Control System of Voltage Regimes in the Electrical Networks” mövzusunda məruzə ilə çıxış etmişdir. Məruzə maraqla dinlənilmiş və yüksək qiymətləndirilərək Konfransın materiallar toplusuna daxil edilmişdir.