18 yanvar 2012-ci il tarixində “Azərbaycan Elmi-Tədqiqat və Layihə-Axtarış Energetika İnstitutu” MMC-də 20 Yanvar faciəsinin 22-ci il dönümünə həsr olunmuş seminar keçirildi.

“AzET və LA Energetika İnstitutu” MMC-nin direktoru, tex.e.d., prof. N.A.Yusifbəyli iclası açaraq, gündəlikdə nəzərdə tutulan məsələ barəsində qısa məlumat verdi. O, qeyd etdi ki, keçmiş Sovet İttifaqının tərkibində olan respublikalar da xalqların öz müqəddaratını təyin etmək üçün azadlıq mübarizəsinə qalxdılar, bu mübarizənin  nə dərəcə ağır olduğunu da bir daha vurğuladı. Eyni zamanda, Azərbaycan xalqının milli müstəqilliyinə gedən yolunun hamar olmadığını, ciddi sınaqlardan keçdiyini xatırlatdı. N.A.Yusifbəyli qeyd etdi ki, 20 yanvar 1990-cı ildə Sovet ordusunun cəbbəxanasında olan ən müasir silah növlərindən istifadə edilməklə Bakıda silahsız insanların canlı hədəfə çevrilməsi tarixin ən qanlı ləkələrindən biridir. Yüzdən çox insanın ölümü, yüzlərlə insanın yaralanması, onlarca soydaşımızın itkin düşməsi ilə nəticələnən bu vandalizm, sözsüz ki, azadlıq eşqi ilə yaşayan bir xalqın mübarizə əzmini qıra bilmədi.

N.A.Yusifbəyli vurğuladı ki, 1992-ci ilin oktyabr ayının 18-də dövlət müstəqilliyimizin elan olunmasında bu hadisə böyük önəm daşıyır.

 N.A.Yusifbəylinin çıxıışından sonra AMEA-nın A.A.Bakıxanov adına Tarix İnstitutunun “Qarabağ tarixi” şöbəsinin müdiri, tarix elmləri doktoru, professor Qasım Hacıyev bu barədə daha ətraflı məlumat verdi.

Çıxışlardan sonra qərara alındı:

           20 Yanvar şəhidlərinin xatirəsini yad etmək məqsədilə xüsusi döş lentlərinin   
  hazırlanması üçün “Azərenerji” ASC-nin rəhbərliyinə təkliflə müraciət olunsun.